როგორ მოვუაროთ მაცივრებს?

როგორ მოვუაროთ მაცივრებს?

გამოქვეყნებულია: BEKO გამოქვეყნების თარიღი: 07/11/2017 ნახვები: 1868 კომენტარები: 0

რამდენად ხშირად უნდა შევცვალო წყლის ფილტრი ჩემს მაცივარში?

მაცივრის ფილტრი სხვა საყოფაცხოვრებო ტექნიკის ფილტრების მსგავსად დრო და დრო უნდა შეიცვალოს, რაც მნიშვნელოვანია არა მხოლოდ თქვენი ჯანმრთელობისთვის, არამედ მაცივრის კარგად ფუნქციონირებისთვისაც. წყლით გაჟღენთილი ფილტრის უნარი გაფილტროს ბაქტერიები შემცირებულია, რა დროსაც დამაბინძურებელი ნივთიერებები ერევიან წყალში, რომელსაც თქვენი მაცივარი ყინულის საწარმოებლად იყენებს.

რეკომენდაციის მიხედვით, წყლის ფილტრი 6 თვეში ერთხელ უნდა შეიცვალოს, თუმცა ყველაფერი დამოკიდებულია, რამდენად ხშირად იყენებთ მაცივრის წყალსა და ყინულის დისპენსერს. მაცივრის სტანდარტული გამოყენების შემთხვევაში, 6 თვეში ერთხელ გამოცვლა ნორმად ითვლება. თუ თქვენ მიერ მაცივრის წყლის გამოყენება საშუალოზე მაღალია, შეამჩნევთ წყლის შემცირებას, წყლის არა სასიამოვნო გემოს/სუნს ან ვერ ხდება ყინულის წარმოება, აუცილებლად უნდა შეცვალოთ წყლის ფილტრი. ბეკოს მაცივრების ბევრ მოდელს აქვს ფილტრის ინდიკატორი, რომელიც გატყობინებთ წყლის ფილტრის შეცვლის აუცილებლობას.


როგორ დავასუფთავო მაცივარი?

თქვენს მაცივარს ყველაზე მეტად სჭირდება რეგულარული დასუფთავება, ვიდრე სხვა დანარჩენ ტექნიკას თქვენს სახლში. დაბინძურებულ მაცივარში შესაძლოა გაჩნდეს ობი, ბაქტერიები, რაც გავლენას ახდენს ჰიგიენასა და მის ეფექტურ მუშაობაზე.

დასუფთავებამდე: მაცივარი აუცილებლად გამორთეთ, ზედმეტი ენერგიის თავიდან ასაცილებლად. გამოალაგეთ ყველა ნივთი, თარო და სხვა მოხსნადი ნაწილები. გამოიყენეთ რბილი, სუნის გარეშე არსებული საწმენდი საშუალებები. ნარჩენი საწმენდი საშუალებები შეიძლება მაცივარში არსებულმა საკვებმა შეიწოვოს სამომავლოდ.

მოხსნადი ნაწილების დასუფთავება: მაცივრის მოხსნადი ნაწილები გარეცხეთ სარეცხ ნიჟარაში. რეცხვამდე დარწმუნდით, რომ ნაწილები ოთახის ტემპერატურაზეა, ტემპერატურის ცვლილებამ შეიძლება დააზიანოს, გაბზაროს ან გატეხოს მინა და პლასტმასი. ასევე გარეცხეთ მაცივრის წყლის ავზი (თუ აქვს შესაბამის მოდელს). წყლის ავზი შეგიძლიათ გამოიღოთ წყლის დისპენსერის წინა თაროს მოხსნით. გამოიღეთ წყლის ავზი და გარეცხეთ ნიჟარაში.

მაცივრის შიდა დასუფთავება: მაცივარი დაასუფთავეთ ზევიდან ქვევით. არ დაგავიწყდეთ მაცივრის კარისა და რბილობების გამშრალება. თქვენ შეგიძლიათ გამოიყენოთ ჭურჭლის ღრუბლის რბილი ნაწილი მაცივრის შიდა და გარე ნაწილების დასასუფთავებლად. მას შემდეგ რაც მორჩებით დასუფთავებას, მაცივარში შელაგებამდე აუცილებლად გააშრეთ მოხსნადი ნაწილები.

აცივრის გარე ნაწილისა და კონდენსატორის რგოლების დასუფთავება: მას შემდეგ, რაც დაასუფთავებთ მაცივარს შიგნიდან, გადადით გარე დასუფთავებაზე. არ გამოიყენოთ, მძიმე სარეცხი საშუალებები, რომლებიც დააზიანებს მაცივრის ზედაპირს. შეამოწმეთ მაცივრის კონდენსატორი და ვენტილატორი დრო და დრო, ეს ნაწილები მოთავსებულია მაცივრის უკანა მხარეს, რაც დამტვერიანების ერთ-ერთ წყაროს წარმოადგენს. მტვერმა შესაძლოა დაბლოკოს ჰაერის დაბერვის ფუნქცია, რამაც შესაძლოა გამოიწვიოს მაცივრის კომპრესორის დეფორმირება.


ჩემი მაცივარი ახლახანს დამონტაჟდა რამდენ ხანში შემიძლია მისით სარგებლობა?

მართალია თქვენ გიხარიათ თქვენი მაცივარი, მაგრამ გარკვეული დროა საჭირო მის გამოყენებამდე. მაცივარი ინსტალაციიდან 4 საათი უნდა იყოს გამორთულ მდგომარეობაში. 4 საათის გასვლის შემდეგ, შეგიძლიათ ჩართოთ და ამუშავოთ მომდევნო 12 საათი, საკვები არ  შედგათ დროის ამ მონაკვეთში. მაცივრის გამოყენება შეგიძლიათ ჯამში ინსტალაციიდან 16 საათის გასვლის შემდეგ.


როგორ დავასუფთავო წყლის დისპენსერის ავზი?

თუ თქვენს მაცივარს აქვს წყლის დისპენსერი, ამ შემთხვევაში წყლის ავზიც პერმანენტულად უნდა დასუფთავდეს. წყლის ავზი შეგიძლიათ გამოიღოთ წყლის დისპენსერის წინა თაროს მოხსნით. გამოიღეთ წყლის ავზი და გარეცხეთ ნიჟარაში.


როგორ გამოვიყენო სწრაფი გაყინვა?

საყინულის განყოფილება, რომელიც მდებარეობს ვენტილატორის წინ, არის "შოკური გაყინვა". გაყინვის დრო არის 10%-ით სწრაფი, ვიდრე საყინულის სხვა ადგილებში. შოკური გაყინვა ბეკოს მაცივრის ავტომატური ფუნქციაა, დამატებითი სეთინგები მის გასააქტიურებლად საჭირო არ არის.


რა სივრცე უნდა დავტოვო კედელსა და მაცივარს შორის სათანადო ვენტილაციისთვის?

სათანადო ვენტილაციისთვის 5 სანტიმეტრიანი სივრცე უნდა დატოვოთ კედელსა და მაცივარს შორის.


როგორ შემიძლია შევინარჩუნო გაყინული საკვები დენის წყაროს შეწყვეტის შემთხვევაში?

სამწუხაროდ, ელექტრო ენერგიის შეწყვეტას ადგილი აქვს ხოლმე. საკვების გაყინულ მდგომარეობაში დიდ ხანს შესანარჩუნებლად საყინულის კარები უნდა იყოს აუცილებლად დახურული. ყოველ გამოღებაზე თბილი ჰაერის ნაკადი აღწევს მაცივარში, რაც ზრდის შიდა ტემპერატურას და საკვები იწყებს სწრაფად გალღობას. თქვენი საყინულე 12 საათამდე ინარჩუნებს ტემპერატურას დენის წყაროს მიწოდების შეწყვეტის შემთხვევაში. ეს უფრო უპრიანი გამოსავალია, ვიდრე სხვა მეთოდების გამოყენება.

  

შვებულებაში გავდივარ.  რამე კონკრეტული უნდა მოვიმოქმედო?

შვებულება ყოველთვის სასიხარულოა, თუმცა სახლის დატოვება გარკვეული დროით საჭიროებს გარკვეულ მომზადებას. თქვენს არ ყოფნაში მაცივრის მოსამზადებლად შეგიძლიათ მიმართოთ რამდენიმე ხერხს, რაც ძირითადად დამოკიდებულია თქვენი შვებულების ხანგრძლივობაზე. 

მცირევადიანი შვებულება: თუ თქვენ აპირებთ 10 დღემდე შვებულებას, შეგიძლიათ მაცივარი ჩართული დატოვოთ. უმჯობესია, მაცივარში არსებული საკვები გადაყაროთ, რაც შესაძლოა ამ დროის განმავლობაში გაფუჭდეს და წარმოქმნას ცუდი სუნი.

გრძელვადიანი შვებულება: ბეკოს მოდელების უმეტესობას აქვთ "Vacation Mode", რაც შეგიძლიათ თავად გაააქტიუროთ. მოცემული ფუნქცია რთავს მაცივარს და ამუშავებს მხოლოდ საყინულეს. თუ გეგმავთ გრძელვადიანი შვებულების აღებას, გამოალაგეთ მაცივრიდან ყველაფერი, რაც შეიძლება გაფუჭდეს, შეინახეთ საყინულეში ან გადაყარეთ და ბოლოს მაცივარი დააყენეთ "Vacation Mode"-ზე.


ჩემი მაცივრის ყინულის დამამზადებელი არ აწარმოებს ყინულის შესაბამის რაოდენობას. რა შეიძლება იყოს პრობლემა და როგორ შემიძლია მისი აღმოფხვრა?

ინსტრუქციაში მოცემულია მაცივრის ყინულის წარმოების რაოდენობის შესახებ ინფორმაცია. გაითვალისწინეთ, რომ გარეთ არსებული ტემპერატური გავლენას ახდენს ყინულის წარმოებაზე. თუ შეამჩნევთ, რომ თქვენი მაცივარი აწარმოებს (ან სულაც არ აწარმოებს) მცირე რაოდენობის ყინულს, შეამოწმეთ შესაძლო მიზეზები:

წყლის კავშირი: პირველ რიგში უნდა შეამოწმოთ მაცივრის კავშირი წყალთან. ეს კავშირები დამყარებულია მაცივრის შესაბამის მოდელზე. მიჰყევით ინსტრუქციას და შეამოწმეთ ყველა საჭირო კავშირები.

წყლის ავზი: დარწმუნდით, რომ წყლის ავზი სავსეა. 

საყინულის კარი: საყინულის კარის ხშირმა გაღებამ, შესაძლოა ყინულის მცირე წარმოება გამოიწვიოს.

თქვენს მაცივარში უნდა იყოს შენარჩუნებული შესაბამისი ტემპერატურა ყინულის ეფექტურად წარმოებისთვის. თუ საყინულის კარი ხშირად იღება, ან ღია რჩება დიდი ხნით, ჰაერის თბილი ნაკადი იწვევს საყინულის ტემპერატურის ცვლილებას, რომელიც ანელებს ყინულის წარმოების პროცესს.


როგორ გავახანგრძლივო მაცივრის მუშაობა? 

მაცივრების სამუშაო ხანგრძლივობა გათვლილია ათწლეულებზე, ვინაიდან ერთადერთი საყოფაცხოვრებო ტექნიკაა, რომელიც მუშაობს 24/7-ზე. თქვენი მაცივარი მყარი ტექნიკაა, რომელიც მცირედს ითხოვს სერვისული თვალსაზრისით. სათანადო და რეგულარულმა მოვლამ, შეიძლება კიდევ უფრო დიდი ხნით გაუხანგრძლივოს მას შრომისუნარიანობა.

პოზიციონირება: არსებობს რამდენიმე მარტივი ვარიანტი, რომელსაც შეუძლია უზრუნველყოს მაცივრის კარგად ფუნქციონირება. პირველ რიგში, დარწმუნდით, რომ მაცივარი სამზარეულოში სათანადოდ არის დამონტაჟებული. მაცივარი, დაშორებული უნდა იყოს კედლისგან, მზის სხივებისა და სხვა სითბოს გამომცემი მოწყობილობებისგან, როგორიცაა რადიატორი და გაზქურა. კედელსა და მაცივარს შორის დატოვეთ მინიმუმ 5 სანტიმეტრიანი დაშორება.

კონდენსატორი: მას შემდეგ, რაც დარწმუნდებით მაცივრის სწორად მოთავსებაში, რეგულარულად მიაქციეთ ყურადღება მის ნაწილებს, პირველ რიგში, კონდენსატორს. კონდენსატორი პასუხისმგებელია იმ სითბოზე, რომელსაც თქვენი მაცივარი გამოყოფს მუშაობის პროცესში და უნარჩუნებს მაცივარს სიგრილეს. კონდენსატორი მოთავსებულია მაცივრის უკანა ან შუა მხარეს. მტვრიანი კონდენსატორი კარგავს შრომისუნარიანობას, ობს იკიდებს კომპრესორზე, რომელიც მაცივრის ყველაზე ძვირადღირებული ნაწილია. დაასუფთავეთ მაცივრის კონდენსატორი მტვერსასრუტის სპეციალური ჯაგრისით რეგულარულად (თვეში ერთხელ).

კარის საფარი: საფარიც საჭიროებს ყურადღებას. მაცივრის შიგნით არსებულ ჰაერსა და გარეთ არსებულს  შორის საფარი ერთმანეთისგან ყოფს. თუ იგი გაიბზარება ან დაზიანდება, თქვენს კომპრესორს მოუწევს მეტი დატვირთვით მუშაობა ცივი ჰაერის შესანარჩუნებლად. დაასუფთავეთ კარის საფარი რბილი საწმენდი საშუალებებით თვეში ორჯერ, ელასტიურობის შესანარჩუნებლად.

წყლის ფილტრი: თუ თქვენს მაცივარს აქვს წყლისა და ყინულის დისპენერი, მას აუცილებლად ექნება წყლის ფილტრი. როგორც სხვა საყოფაცხოვრებო ტექნიკის წყლის ფილტრები, მაცივრების ფილტრებიც უნდა შეიცვალოს დრო და დრო. წყლის ფილტრის შეცვლა მნიშვნელოვანია არა მხოლოდ თქვენი ჯანმრთელობისთვის, არამედ მაცივრის ნორმალურად ფუნქციონირებისთვისაც. წყლით გაჯერებული ფილტრის უნარი, გაფილტროს ბაქტერიები და სხვა დამაბინძურებლები, შემცირებულია, ხდება  წყალში შერევა, რომელსაც მაცივარი იყენებს ყინულის საწარმოებლად.

დასუფთავება: კონდენსატორისა და მაცივრის საფარის დასუფთავების გარდა, თქვენ ასევე უნდა იზრუნოთ მაცივრის შიდა და გარე დასუფთავებაზე თვეში ერთხელ. სუფთა მაცივარი უკეთ არეგულირებს ტემპერატურას და კომპრესორი ნაკლები დატვირთვით მუშაობს.

ტექნიკური მომსახურება: ამრიგად, უმჯობესია თქვენს საყოფაცხოვრებო ტექნიკას ესკალაციამდე მიაქციოთ ყურადღება. შეამოწმეთ უჩვეულო ხმაზე და დროულად აღმოფხვერით პრობლემა.


კომენტარები

დაწერეთ თქვენი კომენტარი