Services Warranty terms

კომპანიის დასახელება: შპს ,,ტექნოჰაუსი’’

საიდენტიფიკაციო ნომერი: 205277608

მისამართი: თბილისი, სოფელი დიღომი, ფარსადანის ქუჩა N5

ცხელი ხაზი: (032) 215-50-50

ტელეფონი: service@technoshop.ge   info@technoshop.ge

ვებ გვერდი: www.technoshop.ge

მომხმარებლი (სახელი, გვარი) :

საგარანტიო ტალონის ნომერი:

მაღაზიის დასახელება და მისამართი:

მოვაჭრის დასახელება და მისამართი:

გაყიდვის თარიღი:

საგარანტიო ვადა:

პროდუქციის დასახელება:

საგარანტიო პირობების შესახებ დეტალური ინფორმაცია, გთხოვთ, იხილოთ საიტზე: Technoshop.ge

კანონისმიერი გარანტია

• თუ საქონელი ნაკლის მქონე აღმოჩნდა, მომხმარებელს უფლება აქვს, მოვაჭრეს მოსთხოვოს ნაკლის აღმოფხვრა (საქონლის უსასყიდლოდ შეკეთება ან შეცვლა, ფასის შემცირება) ან გავიდეს ხელშეკრულებიდან.
• საქონლის შეკეთება და შეცვლა მომხმარებლის პირველი რიგის უფლებებია. მომხმარებელს უფლება აქვს, მოვაჭრეს მოსთხოვოს საქონლის უსასყიდლოდ შეკეთება ან შეცვლა, გარდა იმ შემთხვევისა, როდესაც ეს, საქონლის ბუნებიდან გამომდინარე, შეუძლებელია ან არათანაზომიერ ან შეუსაბამოდ დიდ ხარჯს მოითხოვს.
• საქონელი შეკეთებული ან შეცვლილი უნდა იქნეს გონივრულ ვადაში (სტანდარტულ შემთხვევაში 10 კალენდარული დღის ვადაში უნდა განხორციელდეს შეცვლა, ხოლო შეკეთება უნდა განხორციელდეს არაუგვაიენს 30 კალენდარული დღის ვადაში - სტანდარტულ შემთვევაში, იმ შემთვევაში თუ შესაკეთებელი ნივთის ნაწილი სერვის ცენტრშია ან სავაჭრო ობიექტში, ხოლო არასტანდარტულ შემთვევაში, მაშინ როდესაც შესაკეთებელი ნივთის ნაწილი არ მოიპოვება სერვის ცენტრში / სავაჭრო ობიექტში ან საჭიროა სხვა ქვეყნიდან მისი გამოწერა / ჩამოტანა, საკითხის სპეციფიკიდან გამომდინარე, შესაძლებელია შეკეთების 30 დღიანი ვადა გაიზარდოს 60 კალენდარულ დღემდე) ისე, რომ მომხმარებელს არ შეექმნას მნიშვნელოვანი შეფერხება საქონლის ბუნებისა და იმ მიზნის გათვალისწინებით, რომლისთვისაც მან ეს საქონელი შეიძინა. ამასთან, საქონლის სპეციფიკის გათვალისწინებით, გონივრულ ვადად მიიჩნევა წინამდებარე საგარანტიო ტალონით განსაზღვრული საქონლის შეკეთების/შეცვლის ვადები.
• საქონლის უსასყიდლოდ შეკეთება ან შეცვლა გულისხმობს მოვაჭრის მიერ ყველა ხარჯის (მათ შორის, ფოსტის, სამუშაო ძალისა და მასალების ხარჯების) გაწევას, რომლებიც საჭიროა საქონლის ხელშეკრულებით გათვალისწინებულ პირობებთან შესაბამისობის უზრუნველსაყოფად.
• მომხმარებელს უფლება აქვს, მოითხოვოს საქონლის ფასის შემცირება ან უარი თქვას ხელშეკრულებაზე, თუ არსებობს ერთ-ერთი შემდეგი პირობა:
• მომხმარებელს უფლება აქვს, ხელშეკრულებიდან გასვლის შემთხვევაში მოითხოვოს ხელშეკრულების შეუსრულებლობით მიყენებული ზიანის ანაზღაურება საქართველოს კანონმდებლობით დადგენილი წესით.

ა) საქონლის შეკეთება ან შეცვლა შეუძლებელია;

ბ) მოვაჭრემ საქონელი გონივრულ ვადაში არ შეაკეთა ან არ შეცვალა და მომხმარებელმა ხელშეკრულების შესრულებისადმი ინტერესი დაკარგა;

გ) მოვაჭრის მიერ საქონლის შეკეთება ან შეცვლა მომხმარებელს მნიშვნელოვან შეფერხებას შეუქმნის.

• მომხმარებელს არ აქვს უფლება, უარი თქვას ხელშეკრულებაზე, თუ საქონლის ნაკლი უმნიშვნელოა.
• მომხმარებელს უფლება აქვს, ისარგებლოს ზემოხსენებული უფლებებით, თუ საქონლის ნაკლი საქონლის მისთვის გადაცემიდან 2 წლის განმავლობაში აღმოჩნდა.
• თუ მომხმარებელმა საქონლის ნაკლი საქონლის მფლობელობაში მიღებიდან 6 თვის განმავლობაში აღმოაჩინა, საწინააღმდეგოს დამტკიცებამდე იგულისხმება, რომ ნაკლი არსებობდა საქონლის მიწოდებისას, თუ, საქონლის ბუნებიდან ან ნაკლის ხასიათიდან გამომდინარე, ეს შესაძლებელია. ამ შემთხვევაში მტკიცების ტვირთი მოვაჭრეს ეკისრება. თუ მომხმარებელმა საქონლის ნაკლი საქონლის მფლობელობაში მიღებიდან 6 თვის შემდეგ აღმოაჩინა, იმის მტკიცების ტვირთი, რომ ნაკლი არსებობდა საქონლის მიწოდებისას, მომხმარებელს ეკისრება.

• მომხმარებელს უფლება აქვს, ხელშეკრულებიდან გასვლის შემთხვევაში მოითხოვოს ხელშეკრულების შეუსრულებლობით მიყენებული ზიანის ანაზღაურება საქართველოს კანონმდებლობით დადგენილი წესით.

კომერციული გარანტია

ფიზიკური პირის მიერ შეძენილ საქონელზე ვრცელდება 2 წლიანი კანონისმიერი გარანტია, რომლის გასვლის შემდგომ კომპანიის ასორტიმენტში მყოფი ზოგიერთი ელ. საყოფაცხოვრებო ტექნიკის ზოგიერთ მოდელებზე ვრცელდება ასევე კომერციული გარანტია.

კომერციული გარანტია არ ზღუდავს „მომხმარებლის უფლებების დაცვის შესახებ“ საქართველოს კანონით მომხმარებლისთვის დადგენილ კანონისმიერ გარანტიას.

2 წლიანი კანონისმიერი გარანტიის ამოწურვის შემდგომ, კომერციული გარანტიის მისაღებად, წარმოდგენილი უნდა იყოს საგარანტიო ტალონი გადახდის დოკუმენტთან ერთად (ჩეკი, განვადების ხელშეკრულება, ნასყიდობის ხელშეკრულება და ა.შ ნებისმიერი საგადახდო დოკუმენტი, რომლითაც დადასტურდება ნივთის შეძენა მომხმარებლის მიერ). ტალონში მითითებული უნდა იყოს შეძენის თარიღი, შეძენილი ნივთის მოდელი, მომხმარებლის სახელი, გვარი და აუცილებლად დართული უნდა ჰქონდეს სავაჭრო ობიექტის ბეჭედი.

კომერციული საგარანტიო მომსახურების მოთხოვნა ხდება შემდეგი წესით: მომხმარებელი, პროდუქციაზე ნაკლის აღმოჩენის შემთხვევაში, განცხადებით მიმართავს მოვაჭრეს (სახელწოდება და მისამართი იხილეთ პირველ გვერდზე). მოვაჭრე 10 სამუშაო დღის ვადაში განიხილავს და იღებს გადაწყვეტილებას საგარანტიო პირობების გავრცელების თაობაზე.

კომერციული საგარანტიო ტალონის მოქმედების ტერიტორიაა საქართველო.

კანონისმიერ 2 წლიანი გარანტიის ამოწურვის შემდგომ, კომერციული გარანტია არ გავრცელდება საგარანტიო ტალონის გადასწორების შემთხვევაში.

საგარანტიო ვადები

ზოგადი პირობები + კომერციული გარანტრია

• გამყიდველი ვადებულია შეცვალოს ნაკლოვანი ტექნიკა, ან მომხმარებელთან შეთანხმებით შეაკეთოს დაზიანებული ტექნიკა მოცემული პირობების შესაბამისად, სერვის-ცენტრში მისი მიღების მომენტიდან 30 კალენდარული დღის განმავლობაში, მაგრამ, იმ შემთხვევაში, თუ ტექნიკაში შესაცვლელი იქნება ისეთი სათადარიგო ნაწილი, რომელიც არ იქნება ადგილზე და გამოსაწერია საზღვარგარეთიდან, მაშინ ეს ვადა გაგრძელდება 60 კალენდარულ დღემდე (აღნიშნული დათქმა არ გამორიცხავს კანონისმიერ გარანტიას).
• ბუნებრივ აირზე მომუშავე ცენტრალური გათბობის ქვაბის (შემდგომში ქვაბი ან ნივთი) საგარანტიო მომსახურების მიზნით, ავტორიზებული სერვის ცენტრის წარმომადგენლის მიერ უნდა განხორციელდეს ქვაბის საგარანტიო აღრიცხვა, რაც გულისხმობს წარმომადგენლის მიერ ქვაბის ინსტალაციის მართებულობის ადგილზე შემოწმებას. ქვაბის საგარანტიო მომსახურების მიზნით, მყიდველის/მომხმარებლის მიერ, მოხმარების ზოგადი პირობების გარდა დაცული უნდა იყოს შემდეგი მინიმალური პირობები: ცენტრალური მაგისტრალიდან სისტემაში შემავალი წყლის წნევა არ უნდა იყოს 1.5 ბარზე დაბალი და 4 ბარზე მაღალი; დაცული უნდა იყოს გარემოს უარყოფითი ზეგავლენისგან, რაც გულისხმობს ნივთის სათავსში არანაკლებ +5 გრადუსი ცელსისუსით ტემპერატურის შენარჩუნებას, ყინვის, ნალექის და გადახურებისგან ნივთის დაცულობას.

• ნივთის სტანდარტული მონტაჟი ითვალისწინებს:

სარეცხის/ჭურჭლის სარეცხის მანქანა-ნივთის დაერთებას სამონტაჟო ადგილამდე მიყვანილ სველ წერტილებზე და დენის წყაროსთან.

ელ.ღუმელის/გაზქურის დაერთებას სამონტაჟო ადგილამდე მიყვანილ გაზის მილთან და დენის წყაროსთან.

კონდიციონერი/აირზე მომუშავე ცენტრალური გათბობის ქვაბი/გაზის გამდინარე წყლის გამაცხელებელი; - 45 სმ სისქის აგურის ან ბლოკის კედლის გახვრეტა (სტანდარტული კედელი), გარე აგრეგატის სამაგრზე დამაგრებას, შიდა და გარე აგრეგატის ერთმანეთთან დაკავშირებას, ქარხნულად დაკომპლექტებული მილებით. (ცივი ბეტონი, მონოლითური კედელი და სხვა არასტანდარტული კედელი არ ითვალისწინებს სტანდარტულ მონტაჟს)

გამწოვი - 30 სმ სისქის აგურის ან ბლოკის კედლის გახვრეტა, კედელზე ჩამოკიდება. ამასთან, გაზქურის ზედაპირიდან გამწოვი დაშორებული უნდა იყოს 65-75 სმ მანძილით (მყიდველმა უნდა უზრუნველყოს ზემოთაღნიშნული პარამეტრებით დასამონტაჟებელი ადგილის მოწყობა). აღნიშნული სტანდარტის დაუცველობა წარმოადგენს ნივთის დაზიანების მომეტებულ საფრთხეს, რის გამოც მასზე საგარანტიო მომსახურება არ გავრცელდება.

• არასტანდარტული მონტაჟი ითვალისწინებს:

(ვრცელდება კონდიციონერზე, აირზე მომუშავე ცენტრალური გათბობის ქვაბზე, გაზის გამდინარე წყლის გამაცხელებელზე) - კედლის სისქის, მისადგომის და ამწე-კალათის გამოყენების საჭიროებიდან გამომდინარე გამოითვლება სამუშაოს შესრულების სირთულის და გამოსაყენებელი მასალების შესაბამისად.

სტანდარტული მონტაჟის ღირებულებას ემატება იმ აქსესუარების (დამაგრძელებლები, მილები და ა. შ) საბაზრო ღირებულება, რომლის გამოყენება მოხდება არასტანდარტული მონტაჟის დროს. სირთულის და სტანდარტულობის შეფასება განხორციელდება უშუალოდ სამონტაჟო ადგილზე და შეთანხმდება მყიდველთან.

სამონტაჟო მომსახურების ღირებულება (როგორც სტანდარტული, ასევე არასტანდარტული მონტაჟის შემთხვევაში) მომხმარებლისთვის ცნობილი უნდა იყოს ნივთის შესყიდვამდე.

• საგარანტიო მომსახურების მისაღებად, უნდა მიმართოთ ოფიციალურ/ავტორიზებულ სერვის ცენტრს: შპს ტექნოჰაუსი ს/კ 205277608; მის: თბილისი, დიდი დიღომი, ფარსადანის ქ. N5; ტელ: (032) 215-50-50;

საგარანტიო მომსახურება არ ხორციელდება|უქმდება, თუ:

• გასულია საგარანტიო ვადა;
• წუნი გამოწვეულია მოწყობილობის მომხმარებლის მიერ მექანიკური დაზიანებით;
• დაზიანება გამოწვეულია ექსპლუატაციის  და  შენახვის  წესების  და  პირობების დარღვევით;
• დაზიანება გამოწვეულია მექანიზმში მომხმარებლის ბრალით ან გულგრილობით უცხო სხეულის ან სითხეების შეღწევით;
• დაზიანება გამოწვეულია ელ. ქსელის გაუმართაობით, ძაბვის მკვეთრი ცვლილებით ან არასტაბილურობით;
• მოწყობილობა დაშლილია  (გახსნილია)  თვითნებური  შეკეთების  ან  რაიმე  სხვა მიზნით, რამაც გამოიწვია ნივთის დაზიანება;
• მოწყობილობა გამოიყენებოდა მისი დანიშნულების შეუსაბამო მიზნით;
• პროდუქციის არასანიტარული პირობებში შენახვისა და მოხმარების შემთხვევაში და ამის შედეგად მიღებული დაზიანებებისას;
• ხანძრის, წყალდიდობის ან სხვა სტიქიური მოვლენის შედეგად გამოწვეული დაზიანების გამო;
• დაზიანება  გამოწვეულია გამყიდველი ორგანიზაციის მიერ ავტორიზებულ სერვის ცენტრში მიმართვის გარეშე, მესამე პირის მიერ ნივთზე ჩატარებული არაკვალიფიციური სამუშაოების შემთხვევაში (მონტაჟი, დემონტაჟი, შესაკეთებელი სამუშაოები და სხვა);
• ნივთზე არ იკითხება / ამძვრალია სერიული ნომერი /იმეი კოდი და შესაბამისად შეუძლებელია საქონლის იდენტიფიცირება.

საქონლის უპირობოდ დაბრუნება

მომხმარებელს უფლება აქვს, ყოველგვარი საფუძვლის მითითების გარეშე თქვას უარი დისტანციურ ხელშეკრულებაზე ან/და სარეწის გარეთ დადებულ ხელშეკრულებაზე 14 კალენდარული დღის განმავლობაში.

ეს ვადა აითვლება:

ა) მომსახურების ხელშეკრულების შემთხვევაში − ხელშეკრულების დადებიდან;

ბ) ნასყიდობის ხელშეკრულების შემთხვევაში − მომხმარებლის ან მის მიერ განსაზღვრული მესამე პირის მიერ (გარდა გადამზიდავისა) საქონლის მფლობელობაში მიღებიდან;

მომხმარებლის მიერ ხელშეკრულებაზე უარის თქმის შემთხვევაში მას არ დაეკისრება არანაირი ხარჯის (მათ შორის, მიწოდების ხარჯის) გაწევა, გარდა იმ შემთხვევისა, როდესაც მომხმარებელმა შეთავაზებული სტანდარტული მიწოდების მომსახურებაზე უფრო ძვირი მიწოდების მომსახურება აირჩია ან საქონლის ფასი შემცირდა ისეთი სარგებლობის შედეგად, რომელიც დაკავშირებული არ არის საქონლის ბუნების, მახასიათებლებისა და ფუნქციონირების დადგენასთან.

ხელშეკრულებაზე უარის თქმის შედეგად ქარწყლდება მხარეების მიერ დისტანციური ხელშეკრულებით ან სარეწის გარეთ დადებული ხელშეკრულებით ნაკისრი ვალდებულებები, ხოლო ის, რაც მხარეებმა მისი შესრულებით მიიღეს, მათ უბრუნდებათ.